लगाउनुहोस् ताला र बन्द गरिदिनुहोस् अनिश्चितकालका लागि

मैले छोएको परिक्षा चलेन 
विद्यार्थीहरुमा यस ब्लगको तर्फबाट पूर्ण समर्थन सहित साहासिक कामको लागि धन्यवाद । लगाउनु होस ताला र बन्द गरिदिनुहोस् अनिश्चितकालका लागि विद्यालय र शिक्षा कार्यालय । 
आजको कान्तिपुर दैनिकले पर्वत जिल्लामा शिक्षकले विद्यार्थीलाई छुवाछूत गरेकेा समाचार र प्रुन्टपेजमा फोटो फिचर सहित छापेको छ । ब्राह्मणवादी चिन्तनले गाँडेको यो नेपाली समाजले खैँ कहिले मुहार फेर्ला र । पर्वतको माँझफाट गाविस स्थित फट्केढुंगा निमाविमा भएको यो घटना पनि कट्टर ब्राह्मणवादी चिन्तन भएका व्यक्तिले गरेका छन् । ति हुन गुरुको नाममा कलंक फैलाउने तुलसा पौडेल र शंकर जिसी । यस्तो व्यवहार खेप्न पुगेका छन् त्यही विद्यालयमा अध्ययनरत दलित विद्यार्थीहरु । ती विद्यार्थीहरु पाकशिक्षाको परिक्षाबाट बंचित भएका छन् ।

नेपाल सरकार तथा संसदले नेपाललाई छुवाछूत मूक्त राष्ट घोषणा गरे पनि त्यस सम्बन्धि आवश्यक कानूनी ऐन नियम नबनाएको र छुवाछूत मुक्त राष्ट घोषणा सम्बन्धि जनचेतना मूलक कार्यक्रमहरु पनि संचालन नगरेकेा हुदाँ घोषणा गरेकेा झण्डै नौ दश महिनामा पनि छुवाछूत ज्यूँका त्यूँ रहनू के यो राम्रो पक्ष होला ?

यस्ता कलंकधारी गुरुहरु हामीलाई आबश्यक छैन् । छुवाछूत गरेको दिन देखि नै ब्रखास्त(पदच्युत) नगरुन्जेल लगाउनुहोस् ताला र बन्द गरिदिनुहोस् अनिश्चितकालका लागि विद्यालय र शिक्षा कार्यालय ।



दलित विद्यार्थी पाकशिक्षाबाट वञ्चित

प्रकाश बराल

कास/पर्वत, चैत २५ – दलित भएका कारण पाकशिक्षाको परीक्षाबाट वञ्चित गरिएपछि यहा“को एउटा स्कुलका विद्यार्थी सिकायत गर्न प्रशासन पुगेका छन् ।माझफा“ट गाविसस्थित फट्के ढुंगा निमाविका कक्षा ६ र ७ का दलित विद्यार्थीलाई शिक्षकले पर्ूवव्यावसायिक विषयको पाकशिक्षा परीक्षामा रोक लगाएका हुन् ।

‘तिमीहरू मादल बजाएर रमाइलो गर, हामी पकाउ“छौं भनी तुलसी पौडेल मेडम र शंकर जीसी सरले हामीलाई भन्नुभयो,’ कक्षा सातका सोमबहादुर परियारले भने- ‘छात्रवृत्ति दिने समयमा दलितको भाग खोज्ने, अहिले तिमीहरूले छोएको हामी खान्छौं त – भन्दै गाली पनि गर्नुभयो ।’

उनीहरूका अनुसार परीक्षा ११ बजे हुने भनिए पनि गैरदलितलाई बिहान ७ बजे नै बोलाइएको रहेछ । पकाउने अभ्यासमा आधारित उक्त परीक्षाका लागि तरकारी काट्न अघि सरेका दलितलाई शिक्षिकाले गाली गर्दै पर र्सन भनेकी थिइन् । यसबारे शिक्षक जीसीले भने- ‘विद्यार्थी भएर मानव अधिकारवादी र पत्रकारलाई भेट्न जाने होइन, स्कुल प्रशासनलाई भन्नुपथ्र्यो ।’

जिल्ला प्रशासनमा आइतबार आएका विद्यार्थीको ज्ञापनपत्र बुझेपछि सहायक प्रजिअ गोपीकृष्ण ढुंगानाले दोषीलाई तत्काल कारबाही थाल्ने आश्वासन दिए । तत्काल सुनुवाइ नभए विद्यालय र शिक्षा कार्यालयमा अनिश्चितकालीन तालाबन्दी गर्ने उनीहरूले चेतावनी दिएका छन् ।